Compromiso alucina coa proposta urbanística de ACIP para o concello de Ponteareas

A proposta de converter a Oficina Técnica Municipal nunha Axencia de Urbanismo é como decidir si un se chama Pepe ou se chama Xosé, a cousa non ten maior importancia, sinalan os galeguistas. O verdadeiramente importante é que pretende dotala usando o persoal municipal existente, sen incrementar custes e sen facer una oferta de emprego pública.

Segundo Compromiso, resulta curiosa a proposta por canto o grupo municipal de ACiP votou a favor da amortización dunha praza de arquitecto que se atopaba vacante na plantilla municipal no pleno ordinario de decembro de 2013, e que ademais, nese mesmo pleno votou a favor de amortizar una das prazas de administrativo (laboral) que había na plantilla.

Dado que a plantilla municipal consta de un administrativo funcionario e cinco auxiliares administrativos funcionarios, intentar que con esa anémica plantilla de funcionarios se cubran as xefaturas de servizos obrigatorios que marca a lei é amosar un descoñecemento absoluto da administración pública, salvo que pretenda colocar auxiliares laborais en postos que non lle corresponden segundo os propios informes internos da Secretaria Municipal, engade Sandra Araúxo.

Xestionar un concello non é o mesmo que apañar pitos nunha granxa, e as declaración de Juan Carlos Glez. Carrera son unha mostra da incapacidade dun señor que leva 20 na corporación municipal, manifestan os galeguistas.

Para Sandra Araúxo, Ponteareas merece unha corporación a súa altura, cuns representantes públicos preparados, honrados e traballadores, que devolvan a dignidade a institución.

Compromiso reta a un debate público a todos os candidatos e candidatas

Compromiso por Galicia reta a todos os candidatos e candidatas a un debate público e acepta o envite do PSOE do pasado sábado.

Ante as manifestacións realizadas na presentación da candidata do PSOE de Ponteareas, por alusións e porque non soportamos as difamacións e mentiras, compre dicir que Compromiso por Galicia é unha forza política nova, con apenas dous anos de vida e que dende o comezo da súa andaina ten publicados os seus orzamentos na páxina web nacional que pode ser consultada por calquera veciño/a, cousa que non fan outros partidos; partidos dos ERES de Andalucía, das tarxetas black, de Matesa, de Filesa ou de Timesporte. Iso por non falar do uso de fondos reservados ou das condonacións da banca ás débedas de decenas de anos de campañas electorais mentres se quedan coas casas das persoas que non poden pagar as hipotecas.

Compromiso, sen cartos, sen representación no concello, e sen cobrar adicacións exclusivas,  leva facendo un traballo político serio, riguroso na defensa dos intereses dos cidadáns,  grazas o capital humano do que dispón, que de maneira altruísta, quitando tempo onde non o hai, traballan sen pedir nada a cambio. Traballan porque cren que a responsabilidade individual dun cidadán non remata no momento no que mete un voto nunha urna, a responsabilidade é diaria e os representantes públicos teñen que saber que a auditoría por parte dos veciños/as ten que ser permanente.

Estes dous anos avalan a credibilidade dos galeguistas. A loita constante contra a corrupción destapando casos como o cobro irregular das terrazas por unha persoa vinculada a ACIP, ou o dos cursos do Conservatorio, realizados por un profesor candidato do PP no 2011 no concello de Gondomar. Tamén un traballo serio presentando alegación ao PXOM, ou loitando contra as irregularidades como a consolidación de postos de traballo, paralizada pola Fiscalía de Vigo.

Sempre facendo política a pé de rúa, sen necesidade de facer alardes de grandeza alugando locais electorais na Praza Maior, sen manter una sede nun baixo ou nun piso, despilfarrando cartos. Nin chegar a extremos como o do PP, que chegaron a ser desafiuzados por non pagar o aluguer ao propietario.

Por último manifestar que por parte de Compromiso por Galicia o PSOE de Ponteareas non é un rival nin un inimigo. O rival de Compromiso son o Partido Popular e a súa segunda marca, ACiP, ademais de todos os que defenden o nepotismo o caciquismo, e promoven a desigualdade social.

Compromiso aposta pola transparencia e así o propón no seu programa electoral, con presupostos participativos, que as contas se publiquen  na web municipal, que as Xuntas de Goberno sexan públicas igual que os plenos, etc.

Compromiso ; Solla volve a mentir có PXOM

Compromiso por Galicia non cree a palabra de Solla, e pensan que o goberno do PP non vai aprobar o PXOM neste mandato.

“Salvador González Solla, con respecto a aprobación do Plan Xeral. Xa é hora de que mude de retrouso porque ten aburrido os veciños e veciñas. Cada dous meses conta a mesma cantinela, que o PXOM se aprobará en breve", ironizan os galeguistas. 

Compromiso; "as promesas de Solla non teñen validez, porque incumpre día tras día a súa palabra. leva dez anos na alcaldía e aínda non conseguiu sacar adiante o PXOM, porque non está capacitado para gobernar un concello”.

Os galeguistas tamén pensan que o mellor que lle pode pasar a Ponteareas, polo ben do pobo, e do seu progreso, é que non se aprobe nese mandato, porque os erros, eivas e barbaries que se aprobaron inicialmente dentro do PXOM de Ponteareas non se arranxan con alegacións, porque os erros que hai qué emendar no documento xa veñen da base do propio documento cando parte de cálculos erróneos na poboación, o que deriva nunha suposta necesidade de vivenda de nova creación. Partindo de datos non reais nin realistas créanse unha expectativas falsas coa única intención e incrementar a superficie urbana e con isto pasar o peto dos impostos e que os veciños apanden cos despilfarros dos seus dez anos de desgoberno.

Grazas a proposta de compromiso sobre o IBI urbano, a intención de sanear as contas municipais a costa dos veciños e veciñas, xa non lle será posible, porque vaise mudar a lei do Catastro.  As parcelas urbanas sen edificar pagarán como rústicas.

Outra cuestión que lle sorprende os galeguistas, é que cando todos os datos publicados polos diferentes institutos estatísticos falan dun envellecemento e perda de poboación para o 95% dos concellos galegos, entre eles Ponteareas, resulta difícil de entender que intenten levar adiante un Plan que contempla un crecemento nos próximos dez anos de 11.000 persoas, cando para a Provincia de Pontevedra, nese mesmo período de tempos se contempla unha perda de 35.000 habitantes.

“Solla asegura que só falta informe de patrimonio, os mesmos argumentos que empregou fai dous meses e que todas as alegacións están resoltas, cando os afectados e afectadas non teñen ningún tipo de comunicación”,manifestan os galeguistas.

O PP pretende volver a enganar aos propietarios , porque o PXOM deixa fora centos de vivendas fora de ordenación,  nunha situación de indefensión total e de perda de valor catastral. A maior parte dos edificios do casco urbano quedan fora de ordenación, “salvo honrosas excepcións”, de maneira aleatoria e discriminatoria, dependendo de quen sexa o seu propietario, vulnerando o principio de equidistribución. Situación que non resolve no período de alegacións, se non que se agrava.

 “Non podemos hipotecar o futuro do concello, no que só saen beneficiados uns poucos, os de sempre” , manifesta Compromiso

Compromiso tacha a Villar de incompetente e mentireira

Belén Villar  falou no pleno municipal  de aforro e de baixar o deficit do concello, cando iso a todas luces é falso, porque está manexando datos erróneos ao non ter un orzamento actualizado.

O goberno do Partido Popular non presentou ao Pleno un orzamento en todo o mandato, a pesar de contar co apoio tácito durante toda a lexislatura de ACIP e , coa única finalidade de ter partidas infladas e poder incrementar o gasto, incumprindo os plans de axuste aprobados nos últimos anos.

Por mor da profunda crise económica que padece o Estado derivada das políticas de recortes, incrementados de maneira brutal dende o acceso do PP ao goberno, o concello de Ponteareas ingresa moito menos que hai catro anos, cando se aprobou o último orzamento, aseguran os galeguista.

Esta redución de ingresos tería que compensarse co axuste nos gastos eliminando partidas superfluas e innecesarias e incrementando, na medida do posible, partidas tendentes a axudar aos que están a padecer de maneira máis violenta os efectos da crise: desemprego, fame, desnutrición, etc.

Para Compromiso, a Concelleira de Facenda, Belén Villar usa e manipula os datos o seu antollo, e solo fala do que lle interesa, para enganar os veciños e veciñas. Non explica en qué partidas incrementou o gasto, como é o caso de subcontratas a empresas privadas ( xardineiros, persoal para limpeza escolas...), en asesorías externas para que lle redacten informes a medida e evitar os informes dos funcionarios municipais, e poder continuar cunha  política de desfalco das arcar municipais.

Por outra parte tanto Villar como Solla falan de redución do déficit cando a día de hoxe o concello debe ao ORAL os tributos dos vindeiros catro anos, como mínimo. Regaloulle o contrato de suministro, depuración e potabilización a unha empresa sen concursos público (VIAQUA), mantén un contrato con FCC no que segundo a propia Villar hai traballos valorados en 400.000 euros (o 35% do total do contrato), que fai o concello con medios propios ou premia con ascensos a traballadores con denuncias por "apropiarse indebidamente" do importe de taxas municipais.

Os galeguistas aseguran que o concello segue a endebedarse, e consideran que Villar debería dimitir, porque é inasumible que un concello en bancarrota teña presupostos porrogados dende o 2010.

Ponteareas, 17 xullo 2014