Compromiso consegue que Industria sancione a Gas Natural con 9.500€

Compromiso por Galicia leva denunciado dende 2013 a estafa nas instalacións de Gas Natural en Ponteareas. 

A multinacional Gas Natural ofrece un servizo aos cidadáns carecendo dos permisos e autorizacións que marca a lei o que pon en perigo a  seguridade, saúde e habitabilidade dos propietarios das vivendas, incluso perxudicando o medioambiente.

Dende finais de 2013  levamos advertindo desta situación, tanto no concello, con reunións có ex-alcalde, Salvador González Solla, como na Consellería de Industria. Incluso participamos nunha xuntanza con Gas Natural, informan os galeguistas.

O pasado 18 de maio de 2015 a Consellería de Industria sanciona a Gas Natural con 9.500€ por carecer dos boletíns de industria e suministrar gas nas vivendas de FOVISA. Todo grazas as denuncias e a presión de afectados e afectadas e de Compromiso.

Os galeguistas e afectados/as se reunirán mañá xoves ás 13.30h có novo alcalde de Ponteareas (do BNG), para que resolva o expediente de obra que hai no concello sobre este mesmo tema e repoña a legalidade no edificio FOVISA.

Compromiso esixe ao novo goberno que ampare aos afectados pola estafa do Gas Natural, que se poñan do lado dos cidadáns e que non se agochen como fixeron ata o de agora na oposición, xa que nunca se pronunciaron sobre este tema cando eran coñecedores do tema.

Compromiso solidarizase cós afectados polas instalacións de Gas

Compromiso por Galicia ; nas instalacións do Gas en Ponteareas pagan xuntos por pecadores

En novembro de 2013 xa anunciabamos que grazas a presión veciñal, tras chamadas dos afectados aos municipais, conseguiran parar a obra de instalación de Gas Natural en edificios da Rúa Reveriano Soutullo , por carecer de licenza que garanta a seguridade e habitabilidade dos cidadáns.

Tal e como temos advertido reiteradamente, os propietarios están actuando de boa fe. Asinan un contrato para instalación do Gas Natural, confiando en que a empresa cumpra coa normativa, sen saber que a responsabilidade da obra recae sobre o promotor, que nestes casos pasan a ser os usuarios., manifestan os galeguistas.

    

Segundo Compromiso, as consecuencias destes feitos están comezando a dar os seus froitos. Os veciños e veciñas teñen que pagar o “pato”, tal e como lles acaba de suceder aos propietarios en Reveriano Soutullo, que foron sancionados polo concello cunha multa de 6001€, por carecer de licenza.

Para os galeguistas, non había que chegar a estes extremos, se o concello velase polos intereses dos cidadáns. Porque sendo coñecedores que se estaban facendo este tipo de obras , tiña que ter paralizado inmediatamente, actuando de oficio, a sabendas que non tiñan autorizacións.

O goberno do PP, con Salvador González Solla de alcalde, no único que está sendo contundente é na aplicación de multas inxustas para os propietarios. Na maior parte das comunidades de propietarios estes son descoñecedores da normativa, e de que eles son os responsables da obra do Gas no seu edificio, recalca Compromiso.

Ponteareas, 14 de novembro de 2014

Compromiso leva máis dun ano alertando do posible perigo nas instalacións de Gas Natural

Compromiso por Galicia: "o Partido Popular debería paralizar cautelarmente as obras do Gas Natural, por seguridade".

Compromiso está preocupado pola seguridade dos vecños, tanto dos propietarios das vivendas onde se está a instalar o Gas Natural, como dos viandantes que transitan polas rúas onde se están a facer esas obras.

Os galeguistas levan alertando dende fai un ano, de que en Ponteareas se estaba instalando Gas Natural sen a garantía de seguridade, saúde e habitabilidade que marca a normativa.

Nestas últimas semanas as obras están sendo no bloque de edificios , onde o alcalde ten a unha vivenda. Varios veciños teñen denunciadas as obras, e pedindo a paralización das mesmas. Pero o Goberno do PP, no lugar de paralizar a obra de maneira cautelar mentres non se comprobe que cumpren ou non a normativa, están deixando continuar as obras.

Durante a mañá de hoxe, grazas a presión veciñal, tras chamadas dos afectados aos municipais, conseguiron parar a obra , na parte da fachada que afectaba a vía pública , por carecer de ningún tipo de seguridade.

Compromiso manifesta o  seu desconcerto ante a actitude de pasividade do goberno do PP, ante estas denuncias, que poden traen consecuencias graves aos propietarios das vivendas. Cando os que terían que estar velando porque se cumpra a normativa é o goberno e os técnicos municipais.

Industria inicia o primeiro expediente sancionador a Gas Natural

Compromiso alertaba en novembro de 2013 das irregularidades na instalación do Gas Natural en Ponteareas, có consentimento do goberno do PP

Compromiso por Galicia, xa en novembro do ano pasado, alertaba de que  o goberno do PP, estaba a permitir que unha empresa estivera instalando o gas natural nos pisos sen facer proxecto da obra e sen pagar a correspondente licenza municipal,  e que polo conseguinte non poderían ter certificado de Industria de alta de dita instalación.

Agora case un ano despois, tras denuncias de particulares, industria abre un expediente sancionador a Gas Natural S.D.G. por non cumprir os requisitos técnicos esixidos segundo o artigo 24 da Posta en funcionamento dunha instalación térmica, informan os galeguistas.

Compromiso manifesta que, a Consellería de Industria da Xunta de Galicia, non pode dar de alta estas instalacións, ao carecer de proxecto e licenza que garanta o cumprimento da normativa, e a seguridade dos veciños. Compre recordar que fai falta unha licenza xeral que abarcaría a obra xeral na vía pública ata a acometida do edificio (este permiso si o ten a empresa) e, por outra parte, unha licenza individual por cada edificio e vivenda, permisos que garanten a seguridade dos cidadáns.

Compromiso  tamén ten solicitado a paralización das obras do gas, a sabendas de que se está pondo en perigo a seguridade dos veciños e veciñas, xa que o goberno do PP, con Salvador González de alcalde, deixa nunha situación de inseguridade e indefensión a moitas familias, porque se as instalacións non cumpren cós requisitos que marca a lei, non se pode garantir que se cumpran os mínimos legais de seguridade e saúde.

Ponteareas, 19 setembro 2014