Compromiso pide explicacións ao PSOE pola retirada da denuncia a Represas

O tripartito BNG, PSOE e A Riada do Tea, pasarán a historia por ser o goberno de "onde dixen digo , digo Diego”

O pasado 23 de maio o PSOE de Ponteareas denunciaba a Xosé Represas por presunta intimidación ante a garda civil a un candidato socialista. Segundo fixeran público denunciaran  “ameazas e intimidacións,...incluso actitude desafiante e acosadora”. A semana pasada, os socialistas de Ponteareas facían público que retiraban dita denuncia e hoxe nos espertamos coa nova na que  anuncian o pacto de goberno onde falan de que o primeiro que sexa imputado ten que dimitir.

Copia da denuncia publicada en Comarcas na Rede o 23 de maio de 2015

Compromiso, ante a concatenación de casualidades, esixe explicacións por estes feitos, dado que, ou o PSOE fixo unha denuncia falsa no seu día, ou hoxe están enganando aos cidadáns encubrindo ao actual alcalde. Si de verdade o pacto de goberno establece a renuncia ao cargo de toda persoa con causa penal ou por acoso etc, e si os que o asinaron pretenden cumprilo, está claro que a retirada da denuncia é para salvar ao Sr Represas que podería acabar imputado por dita denuncia , o que dinamitaría o pacto de goberno.

Fotografía coa actuación da Garda Civil publicada en EuropaPress o 23de maio de 2015

Os galeguistas tamén denunciaran publicamente nas redes sociais a intimidación que sufriron por parte de afiliados do BNG a véspera das eleccións, non chegando a levar o tema aos tribunais como os socialistas por non influír no resultado electoral na xornada de reflexión, a pesares de que membros do PSOE, entre as que estaban Chus Garrote, o día das ameazas animaron as candidatas de CxG a que presentaran denuncia por estes feitos.

Compromiso pregúntase que farían os membros deste tripartito se estas supostas intimidacións foran a veciños e veciñas do pobo, condenarían ditos actos ou pola contra farían piña para manter o poder a toda costa.

Resumo da noticia na prensa:

           

noticia no Faro de Vigo    

                                                    Noticia no Atlántico Diario

    

  Noticia en Comarcas na Rede    

             

Noticia en NoticieiroGalego

Noticia en El Correo Gallego

Compromiso solicita a paralización das obras do Xardín da Xiralda e do concello

As obras con fin electorais no entorno do concello e Xardíns da Xiralda están danando gravemente o patrimonio

Os galeguistas se mostran preocupados polo estado das árbores do Xardín da Xiralda porque durante a realización de acondicionamento dos xardíns se están abrindo fosas de grande dimensión, cortando as raíces das árbores o que lles pode ocasionar un dano irreparable, incluso podendo chegar a provocar a morte de especies senlleiras, de grande valor natural.

Onte a mañá Compromiso denunciou e solicitou a parilización das obras ante o SEPRONA, policía autonómica, e no concello, porque se estaban limpando con maquina a presión o edificio consistorial, elemento catalogado por Patrimonio.

Os galeguistas poñen en coñecemento da dirección Xeral de Patrimonio estes feitos, porque se está a facer por parte do Concello e da Deputación unhas obras, que afectan a elementos catalogados , empregando métodos e elementos non permitidos pola Consellería.

A restauración dos xardíns a poderíamos facer con poucos cartos, cun pouco de herba e catro plantas e uns novos columpios, e pola contra gastamos preto de 200.000 € có único fin electoral, e aínda por riba estragando o noso patrimonio, sinala Sandra Araúxo , candidata á alcaldía de Ponteareas.

O PP non se decata de que a estación de autobuses a ten que xestionar a Xunta de Galicia

Ordenar que os Policías Locais fagan función de conserxes é o colmo da xestión de dez anos de Solla na alcaldía. O PP pon o “cucurucho da meda” na súa nefasta política de persoal

Sandra Araúxo, candidata de Compromiso por Galicia á alcaldía de Ponteareas, considera un disparate a orde por escrito realizada polo alcalde a membros da policía Local para que procederan á apertura e peche da Estación de Autobuses.

Segundo os galeguistas, a política de persoal do PP, de Solla e Belén Villar é patética. Foron incapaces de aprobar unha Relación de postos de traballo, de renovar o convenio colectivo do persoal laboral , o que con leva a manter o clientelismo da época dos Castros e a usar aos traballadores públicos como se foran os seus escravos. O que se agrava aínda máis con actitudes coma a acontecida, onde se lle pide a un corpo profesionalizado como é a policía local, que exerza funcións de conserxes.

Hai que lembrar que, despois de 25 anos, a Estación de Autobuses reverteu na Consellería de Medio Ambiente e Territorio da Xunta de Galicia. No pleno de decembro de 2013  acordouse que os traballadores alí adscritos, dous conserxes pasaran a realizar os seus traballos nos colexios públicos. A Estación de Autobuses non é, polo tanto, un servizo municipal e o Concello non ten por que facer ningún tipo de traballo ou actuación na mesma, traballos que lles compete á Xunta de Galicia, afirma Sandra Araúxo.

Os dez anos de goberno de Solla, poden tacharse de nefastos e pasan a memoria dos cidadáns como o ano da intervención económica do Estado, do salto polas fiestras e do caso patos, resume Araúxo.

Compromiso denuncia ante o valedor do pobo a falta de transparencia do goberno do PP

O Goberno do PP pretende calar a voz de Compromiso por Galicia, empregando trapalladas, e desta maneira continuar có proceso de consolidación de postos de traballo

Compromiso por Galicia presentara escrito no rexistro municipal hai uns días no que urxía a nulidade do proceso de consolidación de postos de traballo no concello de Ponteareas, porque o proceso está caducado.

Coa intención de entorpecer a labor deste grupo político, o goberno do PP con Salvador González Solla a súa cabeza, socilitan á representante do partido, Sandra Araúxo, que se acredite como membro de Compromiso e como persoa implicada no proceso. Este feito resulta cando menos bochornoso por canto tratan á exconcelleira galeguista como unha descoñecida para o goberno, cando formou catro anos parte da corporación municipal presidida polo alcalde actual.

Fai meses facíase público un informe do grupo Cidadanía e Comunicación (CIDACOM) da Universidade de Santiago de Compostela, en colaboración co Laboratori de Periodisme i Comunicació per a la Ciutadania Plural daUniversitat Autónoma de Barcelona, sobre información e transparencia nas webs dos concellos de Galicia con máis de 20.000 habitantes dentro do proxecto Infoparticip@, no que  traballan tamén as universidades de Girona, La Laguna, Málaga, Politécnica de Cataluña ou Rey Juan Carlos.

E neste informe a  bandeira en falta de transparencia en concellos de máis de 20.000  aparece Ponteareas xunto con Lalín, incumprindo a Lei 19/2013, do 9 de decembro, de transparencia, acceso á información pública. Este feito é un dos grandes logros do Sr. González Solla nos seus xa dez anos na alcaldía: arruinar definitivamente ao Concello e estar á cabeza dos concellos máis opacos da administración en España.

Agora, por se isto non fora pouco, pretende calar a voz de Compromiso empregando artimañas supostamente legais, para arquivar a solicitude dos galeguistas e continuar coa consolidación dos postos de traballo, sen que haxa un proceso legal, no que todos os cidadáns podan optar a un posto de traballo público en igualdade de condicións.

E sobre todo, cando trata de dar prioridade na consolidación aos traballadores afectados pola sentenza de inhabilitación de José Castro tal e como denunciou Compromiso, non rematando o proceso de reposición da legalidade dos contratos nulos de pleno dereito que el mesmo iniciou no ano 2008.

Compromiso denuncia ante o valedor do pobo esta situación, para que tome as medidas oportunas .

Ponteareas, 23 setembro 2014