Compromiso por Galicia denuncia que o goberno municipal non acata as sentenzas xudiciais

Ponteareas, 15 xullo 2014

O PP perdeu un xuízo contra un empregado público, que tiñan destituído inxustamente do seu posto de traballo. O xuíz declara a favor do traballador, informando que hai que incorporalo inmediatamente a súa praza.

No lugar de acatar a sentenza, Belén Villar , concelleira de Facenda, nunha mostra máis da súa prepotencia e incapacidade para estar a altura do cargo que ocupa,desobedece a sentenza e permite presuntamente que se lle faga “mobbing” o empregado .

Dende a súa incorporación o goberno retiroulle as funcións o traballador, e o ten sentado nunha mesa valeira, sen que poda facer ningún tipo de tarefa. E teñen a outro empregado que non ten esas funcións desenvolvendo o seu traballo.

Compromiso solicita a Belén Villar, concelleira de Facenda e Persoal, que acate a sentenza e que respecte os traballadores.

                                                               

Compromiso presentará recurso contra a consolidación de postos de traballo de Ponteareas

Compromiso, ante a decisión por parte do goberno municipal de continuar co expediente de consolidación de postos de traballo, quere manifestar a súa sorpresa, dado que a Oferta de Emprego aprobada co orzamento do ano 2010 caducou fai máis dun ano, e o EBEP é claro ao respecto en canto ao prazo de execución das Ofertas de Emprego.

Ademais , o goberno pretende consolidar prazas que teñen que ser ocupadas por funcionariado. Os informes internos emitidos nos últimos anos pola Secretaría e Intervención Municipal sinalan como prazas que teñen que ser ocupadas por funcionariado as de responsable do departamento laboral, do de cultura,  do arquivo municipal, persoal administrativo, auxiliares administrativos, o enxeñeiro/a técnico de obra pública,  entre outros, informa Compromiso.

A todo isto, habería que engadir que o goberno promoverá a consolidación de prazas con funcións que non se contemplan dentro das funcións propias obrigatorias incluídas dentro da reforma de Lei de Bases do Réxime Local, lei aprobada pola maioría absoluta do PP no Congreso.

Segundo os galeguistas, mediante unha providencia do  4 de febreiro de 2008 se requeríu ao concello a execución dunha sentenza, dentro do Procedemento Ordinario 170/2001, sentenza que anulaba a oferta de emprego dunha praza de Auxiliar Administrativo, ocupada polo que agora é presidente do comité de empresa, ao tratarse dunha praza que tiña que ser convocada na quenda de funcionarios ou funcionarias e non de réxime laboral.  De feito, o 30 de xullo de 2013 unha nova providencia aclaratoria do TSXG declara executada a sentenza aínda que a solución adoptada polo goberno podería ser constitutiva de delito en caso de que alguén a levara aos tribunais, dado que a sentenza falaba de nulidade do proceso coas consecuencias que conleva (evidentemente anulación do contrato) e o goberno, sen convocatoria algunha colocouno na mesma praza en calidade de interinidade, sen oferta de por medio e coa mesma consideración de persoal laboral.

Un ano despois, pretenden consolidar prazas nas que se atopa persoal incluído na sentenza dos enchufados , e incluso consolidar ao traballador vinculado no asunto do cobro irregular das taxas das terrazas e membro de ACIP. Todo isto có agravante de que se terán en conta os méritos viciados acumulados por contratos nulos de pleno dereito. 

Compromiso presentará un recurso contra este procedemento ante o Ministerio de Hacienda e Administraciones Públicas, o Defensor del Pueblo e o Valedor do Pobo, para denunciar que pretenden continuar cunha OPE caducada e impedir a consolidación dos enchufados, tal e como pretende o PP e consinte o BNG. O Bloque é o único que pode solicitar e executar a sentenza dos enchufados , dado que a demanda foi presentada polo BNG,motivo polo qeu son parte na causa e a xustiza esixe que sexan eles os qeu esixan esta execución. Pola contra fan demagoxia criticando ao goberno, pero non rematan unha causa iniciada hai case vinte anos nunha mostra máís da súa covardía política.

Para Compromiso por Galicia resulta curioso que o PP pretenda consolidar a persoal da sentenza dos enchufados, ou outros que non son propios das funcións do concello e todo isto cando o propio Ministerio de Hacienda e Administraciones Públicas mantén unha retención do 50% dos cartos que ten que enviar ao Concello para pagar os cartos adiantados do Estado para o pago das débedas xeradas polos trinta anos de gobernos do PP e ten que cumprir un plan de axuste que implica tamén o despido duns 50 traballadores/as máis , recalcan os galeguistas.

A lista de políticos aos que lle pagaron viaxes para ver o Barça e Madrid

Alcaldes, concelleiros, funcionarios municipais, cargos da Xunta e técnicos da deputación recibiron presentes da trama da Pokemon, entre eles, Diego Calvo ou Carlos Negreira. A maior parte foron en forma de viaxes ou entradas para eventos deportivos, principalmente, partidos de fútbol do Barcelona ou do Madrid.

Un dos principais xeitos que tiña o entramado Vendex-Sermasa e Aquagest para conseguir contratas ou manter os favores das institucións públicas era a través de regalos. Era un xeito sutil de suborno no que caeron numerosos políticos e funcionarios públicos, entre eles, dirixentes do PP como Diego Calvo ou Carlos Negreira que foron xuntos a ver un partido da Champion League no Santiago Bernabeu.

GC xa ten publicada varias listaxes sobre quen recibiu regalos e quen. De feito, estes agasallos van desde cestas de Nadal até reloxos de luxo por case seis mil euros. Os presuntos corruptores mantiñan listas nas que clasificaban aos políticos e funcionarios, que ascendían ou descendían en función dos favores que lles podían arrancar.

Novos regalos

Pero os novos tomos da Operación Pokemon feitos públicos esta semana, e aos que tivo acceso GC, poñen ao descuberto que altos cargos do PP, alcaldes e concelleiros dos dous principais partidos, altos funcionarios da Xunta e outros cargos públicos tamén recibiron regalos, desta volta, foron, principalmente, en forma de viaxes ou entradas para ver, principalmente, partidos de fútbol ou baloncesto do Real Madrid ou Barcelona.

De feito, na investigación dirixida pola xuíza Pilar de Lara destacase que Aquagest, a través dos seus directivos, tiña establecido un programa de regalos en épocas de Nadal, para políticos e funcionarios de concellos e deputacións no que obtiveron ou tiñan previsto obter contratos públicos, así como un orzamento para comidas e xuntanzas con estes, “coa finalidade de crear un clima favorable aos seus intereses empresariais”.

Regalos ou viaxes, entradas e estancias en hoteis

As formas utilizadas por esta empresa para realizar este obxectivo é pagar regalos ou pagar viaxes, estancias en hoteis e asistencia a determinados eventos deportivos e culturais a políticos e funcionarios. De feito, e segundo o sumario, algunhas veces son os propios políticos os que lle piden á Aquagest que lles facilite entradas para asistir a algún evento deportivo ou cultural, tanto para eles, como para membros da súa familia e o seu círculo social. 

Entre os alcaldes beneficiados por estas viaxes e entradas a partidos de fútbol están Francisco Rodríguez (ex alcalde de Ourense),  Carlos Alberto Montes Marqués (O Carballiño), Salvador González Solla (alcalde de Ponteareas),  Rafael José Girón Martínez ( alcalde de Ortigueira), Antonio Carracedo Sacedon (alcalde de Laxe), Gerardo Conde Roa (ex alcalde de Santiago), Plácido Álvarez Dobaño (alcalde de Muiños); José Antonio Feijóo Alonso (alcalde de Baltar), Alfonso Fernando Fernández Mañueco (alcalde de Salamanca), Carlos Negreira (alcalde da Coruña)

Tamén dirixentes do PP como o presidente da deputación da Coruña, Diego Calvo, ou cargos da Xunta, como Patricia Montes Santos, subdirectora Xeral de Planificación e Proxecto, Augas de Galicia.

Esta é a listaxe:

ALCALDES

Francisco Rodríguez Fernández, ex alcalde de Ourense, recibiu presuntamente os seguintes regalos:

- regalo especial da lista de regalos de Nadal que a empresa Aquagest efectou no ano 2009

- dúas entradas para o concerto de Bruce Springsteen de agosto do 2009 por importe de 140 euros

- entradas para o partido Madrid-Barcelona de Champions.

Carlos Alberto Montes Marqués, ostentando cargo de alcalde do Carballiño, recibiu presuntamente:

- comida no restaurante Casa Solla con José Luis Míguez Rey

- Cinco entradas ao Palau Blaugrana de Baloncesto en 2010

- Comida de cinco comensais en xaneiro de 2010 por importe de 119,20 euros

Salvador González Solla, alcalde de Ponteareas, recibiu presuntamente:

- entradas p ara o partido Real Madrid-Valencia de abril de 2012 para el e cinco membros da súa familia

- estancia no Hotel Coloso de Madrid para el e cinco membros da súa familia durante tres días para asistir a ese partido

- Billetes de avión Vigo-Madrid e Madrid-Vigo para os días 6 e 9 de abril de 2012

O importe total de todo foi de 2.383,75 euros

Rafael José Girón Martínez, alcalde de Ortigueira, recibiu presuntamente:

- invitación ao circuito de fórmula 1 de Valencia

- invitación ao partido no Santiago Bernabeu entre Real Madrid e Olympic de Lyon

Carlos Negreira Souto, alcalde da Coruña, recibiu presuntamente:

- invitación o partido de Champions League no estadio Santiago Bernabeu en 2011

Antonio Carracedo Sacedon, alcalde de Laxe, recibiu:

- regalo especial da lista de regalos de Nadal do ano 2009

Gerardo Conde Roa, ex alcalde de Santiago, recibiu presuntamente:

- invitación para asistir ao partido de Liga de Campións no Santiago Bernabeu

- ostentando o cargo de alcalde recibiu invitación para o partido Barcelona-Real Madrid no Nou Camp en 2011, reserva do hotel en Barcelona.

Plácido Álvarez Dobaño, alcalde de Muiños e José Antonio Feijóo Alonso, alcalde de Baltar, recibiron presuntamente:

- visita a Masella á planta de Triaje, Valorización Enerxética e Biometranización do RSU de Marsella entre os días 6 e 7 de outubro de 2010

Alfonso Fernando Fernández Mañueco, alcalde de Salamanca, recibiu presuntamente:

- entrada para o partido no Santiago Bernabeu en outubro de 2011 para o Real Madrid-Oympic de Lyon

CARGOS DO PP

Diego Calvo Pouso, presidente da Deputación da Coruña, recibiu presuntamente:

- invitación ao partido de Champions League no Santiago Bernabeu en 2011

Luis de la Mata Canto, responsable de Prensa e Comunicación do PP, recibiu presuntamente:

- reserva de voo e hotel en marzo de 2011

XUNTA

Patricia Montes Santos, ocupando a Subdirección Xeral de Planificación e Proxecto, Augas de Galicia, recibiu presuntamente:

- solicita catro entradas de Palco VIP a José Luis Míguez Rey para o concerto de Fito y los Fitipaldis o 19 de novembro de 2010 no Multiusos do Sar enSantiago

- entradas de zona VIP para o partido Real Madrid-Olympiaque en marzo de 2011, acompañada pola sua irmán.

CONCELLEIROS DE DISTINTOS PARTIDOS

José Manuel Valcarcel Riveiro, ostentando o cargo de concelleiro de Vías e Obras do Concello de Pontevedra, recibiu supostamente:

- entradas para o partido Barcelona-Real Madrid en novembro de 2010 en Barcelona. Segundo recolle o sumario, foi acompañado por José Manuel (Xefe do Negociado de Facenda e Persoal do Concello de Pontevedra)

Ángel Espadas Díez, ex concelleiro e ex xefe de Gabinete de Conde Roa, recibiu presuntamente:

- reserva por parte de Aquagest do Hotel NH constanza en Barcelona por unha noite en decembro de 2010

- billete de avión Santiago-Barcelona e Barcelona-Santiago en Nadal dese ano

- invitación para asistir a un partido da Champios no Bernabeu

- reserva de voo por Aquagest en marzo de 2011

- entrada para o partido entre Barcelona e Real Madrid do 2011

- entrada para partido Barcelona-Rela Sociedad de febreiro de 2012

Adrián Varela Sarandeses, concelleiro do PP en Santiago, recibiu presuntamente:

- reserva de voo confirmada Santiago-Madrid e Madrid-Santiago os días 18 e 19 de outubro de 2011. Ent otal, 493 euros

- invitación para asistir xunto coa súa familia ao partido Real Madrid-Sevilla na semana do 28-29 de abril de 2012

María Castelao Torres, concelleira do PP en Santiago, recibiu presuntamente:

- invitación ao partido Barcelona-Real Sociedade o 5 de febreiro de 2012

María Carmen Lemos González, ostentando o cargo de xefe de Gabinete do alcalde de Santiago, recibiu presuntamente.

- solicita a través do concello a José Luis Míguez Rey, dúas entradas para o palco do Bernabeu para o partido Madrid-Deportivo de outubro de 2010, para os seus pais

Joaquín Moya-Angeler Sánchez, que ostenta o cargo de tenente de Alcalde de Economía e Facenda do Concello de Murcia, recibiu presuntamente unha estancia no Hotel-Occidental de la Reconquista. Dúas habitacións por tres noites por importe de 1.155,60 euros en xullo de 2008 e dúas habitacións por catro noites en decembro dese mesmo ano por importe de 1.013 euros. Tamén pediu unha habitación para dúas persoas en decembro dese ano e entradas para o partido Barcelona-Madrid. O importe do hotel foron 673,92 euros.

Bernardino Rama Seoane, ex concelleiro do PSdeG en Santiago, recibiu presuntamente os seguintes agasallos:

- solicita de José Luis Míguez Rey dúas entradas para o partido Barcelona-Madrid  en Barcelona

- solicita a través de José Luis Míguez asentos para o palco, para o partido Madrid-Deportivo

Marta Álvarez-Santullano Fernández, concelleira en Santiago, recibiu presuntamente:

- entrada para o partido Barcelona-Real Madrid, acompañado de Bernardino Rama

Eloy Vicente Súarez Lamata, candidato do PP no Concello de Zaragoza, recibiu presuntamente:

- invitación ao partido entre Real Madrid e Barcelona de decembro de 2011

Sebastián Contin Trillo-Figueroa, concelleiro do PP en Zaragoza, recibiu presuntamente:

- invitación ao partido entre Real Madrid e Barcelona de decembro de 2011

TÉCNICOS E FUNCIONARIOS

Francisco Manuel Moreda Gil, ostentando o cargo de arquitecto municipal de Ribadeo, recibiu presuntamente:

- entradas para o partido de Champions League en Barcelona entre o Barcelona e o Arsenal en 2010

- hotel a cargo de Aquagest para asistencia a este partido

Luis Menéndez Arbesú, ostentando o cargo de arquitecto técnico de Ribadeo, recibiu presuntamente:

- entradas para o partido de Champions League en Barcelona entre o Barcelona e o Arsenal. Importe da entrada: 520 euros

- hotel a cargo de Aquagest para a asistencia ao partidos

Paula Salgado Somoza, técnica de Augas e Recursos Hídricos do Concello de Ourense, recibiu presuntamente:

- invitación ao partido entre Real Madrid e Zaragoza

Bienvenido José Fernández García, técnico de Infraestruturas e Urbanismo de Ourense, recibiu presuntamente:

- dúas entradas para a zona VIP do Santiago Bernabeu para asistir ao partido entre o Real Madrid e Mallorca do 13 de maio de 2012

Luis M. Bermúdez de la Puente Villalba, ostentando o cargo de secretario xeral do Concello de Ourense, recibiu presuntamente:

- tres entradas para palco no Santiago Bernabeu, para asistir ao partido entre Real Madrid e Atlético de Madrid en novembro de 2012

Tomás Rivas Llavero, arquitecto municipal de Santiago, recibiu presuntamente:

- regalo especial da lista de regalos de Nadal de Aquagest no 2009

Javier Bobe Vázquez, xefe do Servizo de Augas e Medio Ambiente da Deputación de Ourense, recibiu presuntamente:

- visita a Masella á planta de Triaje, Valorización Enerxética e Biometranización do RSU de Marsella entre os días 6 e 7 de outubro de 2010

Fonte: Galiciaconfidencial

COMPROMISO PIDE A DIMISIÓN DE SALVADOR GONZÁLEZ SOLLA COMO ALCALDE DE PONTEAREAS POR PRESUNTO SUBORNO

Ponteareas, 21 maio 2014.- Un  informe de Vixiancia Aduaneira indica que Salvador González recibíu presuntamente un agasallo de Aquagest de entradas para fútbol, hotel e avión por valor de 2.383€.

Compromiso solicita a dimisión inmediata do alcalde de Ponteareas, por estar imputado e investigado, en diversos casos xudiciais, tales como delictos urbanísticos e contra o patrimonio. Tales como; a licenza da empresa Ecocelta, as obras do Adro  da Igrexa de Guillada e a licenza da súa vivenda, E pola súa presunta implicación na trama do Patos e do Pokemon.

Compromiso fai meses que denunciara presuntas irregularidades na contratación da concesión a AQUAGEST, que leva o servizo de xestión da auga dende os anos 90. No 1996, no goberno de Castro, sen previo concurso público, adxudícaselle tamén a xestión da depuradora municipal. Entre os 90 e a actualidade renóvaselle a concesión, tamén de forma directa. En vez de concursos amparábanse en supostas melloras para conseguir ampliacións de contrato sen concurso público.  No 2013, tamén sen concurso, adxudícaselle a ETAP, por un importe que supera os 130.000€, cando un técnico municipal valoraba o servizo en 92.000€. O concello omite dito informe e subcontrata un informe externo para poder inflar a concesión, repercutindo sobre as arcas municipais e sobre as dos cidadáns.

Compre sinalar que este técnico municipal, o único técnico con praza fixa no Concello, foi despedido do concello o pasado mes por non prestarse a facerlle informes a carta o Goberno do Partido Popular e a Belén Villar, concelleira de Facenda, a pesares de diferentes sentenzas xudiciais ao seu favor, manifestan os galeguistas.

“Agora nos decatamos de por qué foron dados eses contratos a dedo por parte do goberno do PP,  desobedecendo informes municipais”, manifestan os galeguistas.

Paulo Carlos López , candidato de Compromiso ás Eleccións Europeas manifesta que unha persoa implicada nun caso de corrupción debe dar un paso atrás, e abandonar os seus cargos mentres a xustiza estea investigando e non resolva.. E no caso de ser culpable xa terían que deixar a política para sempre”.

Compromiso pide unha campaña de promoción do Conservatorio

Compromiso solicita no Concello de Ponteareas que se faga unha campaña de promoción do Conservatorio Municipal de Música Reveriano Soutullo, atopándonos no período de preinscrición da matrícula do centro, que chega ata o  23 de maio.

Ponteareas, berce da música clásica, non pode deixar esmorecer un centro da categoría deste Conservatorio, con gran prestixio pola profesionalidade dos seus mestres.

 

Para os galeguistas é fundamental que o goberno, faga o esforzo de difusión e promoción do centro, para garantir con éxito a matriculación dos alumnos no centro, e cubrir todas as prazas.

Compromiso insta o goberno do PP a anunciar o período de preinscrición na páxina web do concello, nos medios de comunicación, con xornadas de portas abertas, con cartelería e coa entrega de material informativo no resto de centros educativos do concello, organizando unha boa campaña de promoción do Conservatorio.

Ponteareas, 13 de maio de 2014

Paulo Carlos López, candidato de Compromiso en Ponteareas

Compromiso denuncia verquidos ao Río Tea

Compromiso por Galicia ven de denunciar os verquidos que dende hai anos se producen dende a EDAR de Ponteareas ao Río Tea, espazo natural protexido incluido como LIC (Lugar de Interese Comunitario) da Rede Natura 2000.

Paulo Carlos López, candidato de Compromiso por Galicia nas eleccións europeas do 25 de maio, Sandra Araúxo, Secretaria de Organización, e Rafael Cuíña, Coordinador Provincial, se achegaron ao río Tea e comprobaron a situación actual dos verquidos.

Dezaseis anos despois da inauguración da Estación Depuradora en Ponteareas os problemas de verquidos directos ao cauce fluvial persisten, sendo Salvador González Solla, alcalde do partido Popular e á vez Concelleiro de Medio Ambiente, o máximo responsable da situación.