Compromiso por Galicia pide explicacións pola situación da parcela de Granitos de Galicia

A parcela sobre a que desenvolveu a súa actividade ata hai dous anos, dende 1958, Granitos de Galicia e Aceros del Tea, foi cedida polo Concello de Ponteareas ao titular de dita empresa a mediados do século pasado, co fin de xenerar emprego e crear riqueza industrial nunha vila de importancia comarcal. “Durante todos estes anos, máis de cincoenta, a empresa desenvolveu a súa actividade ao abeiro do decreto 2414/1961m de 30 de novembro, RAMINP, a pesar de que co tempo, e co paulatino crecemento da vila, a empresa quedou inntegrada dentro do casco urbano de Ponteareas”, sinalan os galeguistas.

Durante os últimos quince anos, todos os gobernos municipais intentaron sen éxito chegar a un acordo coa empresa, para que se trasladara a un polígono industrial. Pero a incapacidade dos sucesivos gobernos de aprobar un plan de ordenación municipal só fixo que se asinaran diversos convenios, no que os únicos beneficiarios, a día de hoxe son os donos da antiga empresa, porque a actividade xa cesou fai anos, aseguran Compromiso.

Os galeguistas solicitan unha modificación do PXOM evitando a especulación sobre unha parcela cuxa titulariedade podería ser municipal.

Os galeguistas informan que, a actividade cesou foi dous anos, polo que o convenio é ilóxico, porque xa non hai que trasladar ningunha empresa, e xa non estamos a falar de compensar un chan industrial. A proposta no PXOM aprobada inicialmente, cós votos a favor de PP, PSOE , ACIP e có beneplácito do BNG, contempla unha edificabilidade que triplica a das parcelas do entorno, permitindo sete alturas e a explotación do subsolo coa construción e dun parking privado para uso público, permitindo un “Pelotazo Urbanístico”.

Dende Compromiso por Galicia manteñen serias dúbidas sobre a titularidade dos terreos, podendo ser propiedade municipal, xa que non teñen constancia máis que da cesión do terreo, e non a venda dos mesmos aos titulares de Granitos de Galicia.

Compromiso por Galicia, solicita o goberno do PP, a secretaria Municipal e o Arquiveiro, que revisen o expediente de cesión de dita parcela a Granitos de Galicia e que aclaren de quén é a titularidade nestes intres, o cesar o fin para o que foi cedido.

Os galeguistas tamén esixen que se anule a licenza da empresa, tal e como contempla a lei cando cesa unha actividade, porque no lugar xa non quedan máis que cascallos.

Solicitude presentada polo estado da Rúa Redondela

No documento que tedes debaixo podedes examinar a Solicitude presentada no día de hoxe no Rexistro Xeral de Entrada do Concello na que pedimos que se faga unha limpeza e mantemento como procede na Rúa Redondela

O PP ten abandonada e en estado ruinoso a rúa Redondela

Compromiso por Galicia alerta do estado calamitoso no que se atopa a Rúa Redondela, nun estado de total abandono, sen ningún tipo de mantemento dende hai anos.

O goberno do Partido Popular, e en particular o concelleiro de vías e obras, Manuel Alberto Novoa e o concelleiro de servizos comúns, Jesús Manuel Cao, nun desleixo das súas funcións que resulta alarmante, manteñen a Rúa Redondela como se foran os suburbios do pobo.  Non hai que prestar moita atención para atopar a rúa có firme da estrada todo cheo de fochancas, os pasos de peóns borrados, as beirarrúas rotas. A porcallada inunda a totalidade da rúa. O estado xeral da rúa e a de ausencia total de baldeo durante os últimos meses, unha sospeitosa falta de varrido diario, e o abandono do mantemento das infraestruturas viarias en xeral.

Pero se isto non fora de abondo, as fincas que non están construídas están cheas de maleza de metros de altura, atópanse cheas de lixo, e os muros que as rodean con perigo de derrubo, o que podería ter consecuencias moi graves se caeran sobre algunha persoa ou vehículo, informan os galeguistas.

O incumprimento das ordenanzas municipais, en concreto da ordenanza municipal de limpeza viaria e recollida de residuos, así como a ordenanza de mantemento de solares edificables, sorprende nunha rúa que se atopa a vinte metros da sede da Policía Local.

Compromiso, presentou unha iniciativa no concello esixindo ao goberno do PP que arranxen esta situación canto antes. Aproveita tamén para lémbralle que non hai veciños e veciñas de primeira e de segunda, que todos os recunchos do concello teñen que estar nas mesmas condicións, porque todos os cidadáns teñen os mesmos dereitos e obrigas. Non chega con "poñer bonitas" as rúas de acceso e polas que se realizan os tapices florais. O pobo ten que estar coidado sempre, e non facer un pequeno lavado de cara só para o Corpus.

Xosé López se incorpora ao proxecto de Compromiso por Galicia en Compostela

Xosé Antón López, quen foi presidente da Asociación de Veciños do Casco Histórico, anunciou a súa incorporación a Compromiso por Galicia e a súa presentación será o vindeiro mércoes na librería Couceiro. 

Xosé Antón López formou parte da executiva local do PSdeG-PSOE.

Moción ao Pleno de Ponteareas para revisión de facturas de Gas Natural FENOSA

Compromiso aposta pola adopción das mascotas abandonadas

O concello de Ponteareas, que dada a poboación do municipio ten a obriga de prestar o servizo de canceira e recollida de cans abandonados, leva anos facendo desleixo das súas obrigas e contrata para cada recollida a unha empresa involucrada nun famoso caso xudicial, no que presuntamente elaboraban pensos con animais mortos, informa Compromiso.

Segundo os galeguistas, o goberno do PP, no lugar de construír unha canceira, ou ben colaborar con algunha protectora para que os animais podan ser acollidos por algunha familia no lugar de sacrificalos, paga a unha empresa para que recolla os cans abandonados e os sacrifique en 48 horas. Porque dita empresa non fai ningún esforzo para dalos en adopción, e no seu lugar prefire matar os animais a poucos días de atrapalos.

A empresa factura por can atrapado, fórmula pouco fiable, pois hai que crer na profesionalidade da empresa, cando cós antecedentes que ten , é de dubidosa legalidade. O lóxico sería ter un contrato ou colaboración anual e non que se pague por captura, e sen ningún tipo de cotexo, manifesta Compromiso.

Os galeguistas apostan polo benestar animal, polo que consideran que se debe buscar outra xestión, que asegure que os cans sexan adoptados por unha familia, e non por sacrificalos. 

A gratuidade das matrículas a familias numerosas no Conservatorio se votará o día 28 de abril

O pasado día 31 de marzo de 2014 Compromiso por Galicia de Ponteareas enviou unha nota aos medios de comunicación solicitando a gratuidade da matrícula no Conservatorio Municipal aos estudantes de familias numerosas, tal e como sinala a lei na actualidade.

Ponteareas é un caso anacrónico cando de aplicar a lexislación se trata, e máxime cando a mesma implica un beneficio aos usuarios dos diferentes servizos municipais. Por iso, despois de manter diversas reunións tanto cos membros da ANPA como do profesorado do propio centro decidimos facer público o noso posicionamento en relación a este tema.

A Nota de prensa a enviamos o día 31 de marzo e se atopa colgada na páxina deste blog chamada "NOTAS DE PRENSA". A nota íntegra está na nosa conta de google drve na seguinte ligazón.

O día 1 de abril presentamos no Rexistro Xeral de Entrada do Concello de Ponteareas unha moción na que instábamos ao goberno a que se pronunciase sobre a Lei 40/2003 de protección ás familias numerosas e que aplicase dita Lei nas matrículas do Cosnervatorio Reveriano Soutullo, como se pode comprobar nesta ligazón.

Hoxe, no diario Faro de Vigo, se publica que os membros da ANPA tiveron unha reunión co goberno municipal e cos portavoces dos grupos con representación no Concello e que dita proposta, reclamada dende hai tempo pola ANPA do Conservatorio e mediante moción de CxG do 1 de abril de 2014 se levará adiante. 

Aproveitamos para felicitar a dita ANPA polo seu traballo ao respecto.

A N-120 en situación de abandono polo Ministerio de Fomento

O goberno municipal  e o Ministerio de Fomento do Partido Popular non se preocupan polo mantemento da Rúa Real e da súa contorna

Compromiso quere chamar a atención sobre a situación de abandono á que están sometidas moitas das rúas do entramado urbano da vila de Ponteareas, e máis concretamente, a popularmente coñecida como “Rúa de Abaixo”,a Rúa Real, na Nacional 120.

paso de peóns na N-120

Calquera cidadán de Ponteareas, pode comprobar a diario a falta de ornato e de limpeza da que fai gala a rúa Real, con terra nas beirarrúas e nos arcenes, vexetación que sae de entre as pedras ou mesmo a fala de limpeza na contorna dos espazos nos que se ubican as illas de contenedores para a recollida de residuos, manifestan os galeguistas.

farola no cruce de Granitos

Segundo Compromiso, a estes problemas hai que engadir o desleixo  do Ministerio de Fomento  na Nacional 120, da  despreocupación da ministra Ana Pastor, porque podemos atopar farolas das que sae o cableado eléctrico, e farolas que non alumean cando é de noite e se manteñen encendidas durante o día. Calquera día podería xurdir , un problema de seguridade cidadá, por atoparse as avarías o alcance de pequenos e animais.

Por se isto non fora pouco , os pasos de peóns o seu paso da N-120 están practicamente borrados, e a estrada está chea de buracos de gran tamaño, non habendo mantemento no firme da estrada e na súa sinalización, afirman os galeguistas.

Compromiso vai presentar unha solicitude ante o Ministerio de Fomento e o concello de Ponteareas para que arranxen estes problemas na N-120, antes de que aconteza algunha desgraza.

Ponteareas, 10 de abril de 2014