Vimos para quedarnos

5494 ponteareáns decidiron outorgar ás forzas progresistas unha mayoría suficiente para afrontar unha lexislatura estable e de cambio no Concello. Dende Compromiso por Galicia/Concellos Transparentes de Ponteareas, queremos publicamente felicitar aos grupos que acadaron representación, especialmente ao grupo de forzas progresistas que terán que tomar as riendas do Concello, BNG/AA, PSdG-PSOE, RdT e EUSon.

Agradecer os 292 votantes da nosa Candidatura e transmitir publicamente que a pesar de non acadar representación no Concello vimos para quedarnos. 

Estas eleccións, as primeiras municipais ás que nos presentamos, serviron non so para dar a coñecer a Compromiso por Galicia, senón que moitos vecinos e veciñas se achegaron a nos e agora temos unha base social de simpatizantes máis sólida e forte. En datas vindeiras reorganizarémonos e seguiremos a facer a mesma laboura de oposición e de control que si tivésemos representación. VIMOS PARA QUEDARNOS.

Nun análise máis polo miudo, como nota negativa, decir que se producíu unha baixa na participación, xa que o 63% de voto contabilizado estivo cinco puntos por debaixo dos datos de 2011, o que demostra a desafección política xa que coa que está a caer non se producíu un incremento da participación. Para Compromiso iso é preocupante, así comoo incremento ata o 2,71% de votos nulos e o 1,88% de brancos. 

Seguimos a votar de menos un debate público, a pesar de que convocamos a todos os grupos políticos na Praza Maior o día 22 de maio, debate ao que so se presentou o candidato de EUSon, feito que queremos agradecer.

Estamos contentos pola campaña realizada e estamos en disposición de continuar o traballo que comezamos no ano 2013 por Ponteareas desde o lugar que ocupamos a pesar de non acadar representación. E lanzamos as nosas primeiras propostas á nova corporación:

Que permitan a participación e presenza pública nas reunións da Xunta de Goberno Local, para o que terían que facerse fora de horario laboral para a cidadanía.

Que se preparen para o curso 2015-16 comedores públicos con cociñas propias nos centros de ensino de Ponteareas, rexeitando a figura do cattering.

Incremento das axudas sociais aos desfavorecidos e perxudicados pola crise económica.

Cumprimento da legalidade en materia de persoal no Concello de Ponteareas, rematando coa revisión de nulidade iniciada no Concello no ano 2009, impedido a presenza de traballadores sen cualificación profesional e reubicando aos traballadores nas prazas para os que foron contratados.

Un saúdo, un compromiso.

Solla é o responsable dos lumes forestais que xa comezaron en Ponteareas este ano 2015

A súa xestión pode considerarse como medioambientalmente nefasta.

Dende hai dous anos o responsable da área de medio ambiente do Cocnello de Ponteareas dedicou o seu tempo ao desmantelamento da concellería que dirixe mediante o despedimento de traballadores e peches de departamento, abandoando á súa sorte ás obrigas propias do Concello, como son o cumprimento da Lei de Prevención e Defensa dos Incendios Forestais de Galicia.

A lei obriga a que dende o Concello se cumpran as medidas correctoras que establece adita lei en canto á xestión da vexetación que rodea a núcleos de poboación e vivendas ailladas. Sen embargo, o Concello decidíu no mes de decembro de 2013 pechar o departamento de medio ambiente e despedir a varios peóns xardiñeiros, ademáis de manter un GRUMIR formado por chóferes e conserxes, en lugar de promover o acceso á función pública de persoal especializado na xestión e loita contra o lume, sinalan os galeguistas.

Durante todo o ano 2014 e no que levamos de 2015 non se fixeron traballos de inspección, mantemento e prevención para a xestión da biomasa e da vexetación de alto porte arredor das vivendas e núcleos e agora podémonos atopar nun verán calamitoso nese aspecto a pouco que se manteñan as altas temperaturas. "Non levamos máis que dúas semanas de bo tempo e altas temperaturas e en Ponteareas xa se produciron varios incendios forestais, entre eles o que no día de onte chegou preto de moitas vivendas de Padróns que tiveron que ser desaloxadas", sinala Sandra Araúxo.

Dende Compromiso por Galicia queremos denunciar que o Sr. Solla é o único responsable dos lumes que lamentablemente aparecerán este verán nas parroquias de Ponteareas, pola súa actuación irresponsable e dunha incompetencia supina.

Agardamos que o novo goberno que se conformará a partires do vindeiro 13 de xuño comece os traballos para recomponer á área de medio ambiente do Concello, que entendemos se trata dun servizo básico para a cidadanía e que comece os traballos para a determinación de “zonas alto risco de incendio” e redacte un Plan de Xestión e Ordenación de Prevención de Incendios Forestais para Ponteareas, ademáis de dotar dos recursos necesarios para que ditos traballos podan ser levados adiante.

Compromiso celebrou no dia de onte un acto público no que presentou as súas propostas de goberno para o concello de Ponteareas.

David Soto , membro da candidatura, na sua intervención comentou a importancia de apoiar o vindeiro 24 de maio a esta forza galeguista, porque é a única que aposta por uns orzamentos participativos, contas municipais transparentes, colgadas na páxina web, xuntas de goberno públicas nas que os veciños e veciñas sexan partícipes do que alí se decide, en todo tipo de cuestións.

Xose Henrique G.Lago, número dous da lista, fixo un balance dos dous anos de  traballo de Compromiso anteriores a estes comicios.  “Fomos quén de liderar a oposición sen ter aínda representación , destapando os chanchullos dos cobros irregulares das terrazas por parte dun exsecretario de ACIP, os cobros irregulares de cursos do Conservatorio, por parte de directivos vinculados ao PP, modificación da lei do Catastro para parcelas urbanas non urbanizadas, alegacións ao PXOM, defensa do patrimonio, medioambiente, dos sectores sociais, entre outras cuestións”, manifestou González Lago.

E a Candidata Sandra Araúxo, plasmou na súa intervención unha serie de medidas que tomarán coa súa entrado no concello; “axudas aos máis necesitados cuns servizos sociais pensados para a xente, iniciativas para a creación de emprego, municipalización dos servizos, tales como o  da auga e da recollida de lixo, axudas ao pequeno comercio, dinamización da vida cultural e turística como potencial económico do noso concello, entre outras cuestións.

Araúxo manifestou que “Ponteareas ten futuro, a pesares do endebedamento do concello, non todo se fai con cartos, se non que hai que ter claro que modelo de vila se quere. Con boas ideas e bos proxectos se pode sacar a Ponteareas da situación de parálise na que se atopa e pola no lugar que se merece”

Dado que os veciños e veciñas teñen dereito a coñecer de primeira man o que defende cada partido nestes comicios, Compromiso retou aos seis partidos que se presentan a estas eleccións a un debate público na Praza Maior, o vindeiro venres 22,ás 20h. Os galeguistas enviaron un convite aos seis, e espera que acudan por respecto aos cidadáns e non poñan escusas de xente covarde.

Compromiso denuncia o acto do Partido Popular con Ana Pastor en Ponteareas

Compromiso denuncia ante a Xunta electoral o acto que tivo lugar hoxe no concello. O Partido Popular fai un desembarco en Ponteareas, coa Ministra Ana Pastor, intentando enganar aos veciños e veciñas coa cantinela de sempre, que se vai construir a cincunvalación. O PP leva décadas prometendo este vial, e a día de hoxe non hai nin proxecto, solo unhas liñas debuxadas no PXOM

Estrada que non solucionaría os problemas de tráfico do concello porque non da saída aos vehículos que circulan pola N120, que son máis de 12.000 diarios e que estragaría toda a conca do Uma o seu paso polo noso concello, manifesta Sandra Araúxo, candidata á alcaldía de Compromiso.

Coche Oficial de Ana Pastor aparcado enriba dunha praza de minusválido onte en Ponteareas

                                                                                                  

Unha vez máis, como cada vez que os cidadáns teñen que ir ás urnas aparece un ministro anunciando grandes obras e infraestruturas que nunca chegan a Ponteareas. Esta campaña, para non perder as esencias comezou co tema do PXOM e vai rematar co tema da circunvalación.

Resulta patético que despois de once anos na alcaldía teña que vir unha señora dende Madrid a dicir que se vai facer unha circunvalación cando non hai orzamento aprobado nin para facer o estudo preliminar de viabilidade e moito menos o estudio de impacto ambiental, informa a galeguista.

Que podemos esperar máis que mentiras, dun partido que non respecta aos seus veciños e veciñas, cando aparca os  coches oficiais, que pagamos todos , nas prazas dos discapacitados, recalca Araúxo.

Compromiso condena todo tipo de violencia física ou verbal

Durante a mañá de hoxe, mentres varios membros da candidatura de Compromiso por Ponteareas estaban repartindo o programa de Ensino na escola Virxe dos Remedios, unha integrante da candidatura da Riada do Tea, vinculada a Nos-up increpou a Sandra Araúxo e Xosé Henrique G. Lago, cabeza de lista e número dous da candidatura galeguista respectivamente.

Compromiso  condena todo tipo de violencia, verbal ou física, polo que non entende actitudes coma as que sucederon hoxe, onde unha persoa que pretende representar a este pobo, ponse a berrar e coaccionar na rúa, intentando impedir a liberdade de expresión doutro partido político, e menos na presenza de nenos e nenas a entrada dun centro educativo.

Compromiso denuncia un novo atentado contra a función pública no Concello de Ponteareas

Solla e Villar, co apoio de ACiP, eliminarán prazas de administrativos funcionarios 

A calamitosa política de persoal levada a cabo pro Solla nos seus adez anos na alcandía, especialmente estes catro últimos con Belén Villar como concelleira de persoal, terán o seu cumio o vindeiro mércores cando nunha comisión infromativa propoñan a eliminación da plantilla de varias prazas de administrativo funcionario que se atopaban vacantes dende hai un ano.

A desfeita é tal que pretenden eliminar as prazas de funcionario para impedir procesos de promoción interna para que os auxiliares administrativos podan promocionar, e ascender de categoría, advirte Compromiso por Galicia.

Segundo os galeguistas, na actualidade, en todo o concello hai tres administrativos funcionarios, e dous deles se xubilarán en menos de dous anos, polo que a intención de Solla é  eliminar prazas de funcionarios para non ter que tocar a algún laboral. Entre os que se atopan o exsecretario local de ACIP. 

Dende Compromiso defendemos o mantemento das prazas de funcionarios, porque non poden ser ocupadas por persoal que non accedeu á administración polos principios de igualdade, mérito e capacidade , polo que actuaremos en consecuencia

Compromiso reta a todos os partidos a que fagan públicos as contas de campaña

Compromiso por Ponteareas fixo público na web do partido as súas contas, un orzamento de campaña austero, de mínimos.

O partido galeguista defende a transparencia e critica as prácticas de finanzamento de outros partidos, e o oscurantismo nas súas contas.

No día de comezo de campaña os veciños e veciñas xa poden observar o despilfarro de algúns partidos nestes comicios, con bandeirolas, paneis , vallas publicitarias, furgonetas rotuladas, todos con  locais alugados para o partido, mailing as vivendas de cartas a color, etc, informan os galeguistas.

Compromiso cree que os cidadáns teñen dereito a saber con qué fondos conta cada partido e cómo se financian., xa que calquera doazón que se fai a un partido se debe facer có seu pertinente recibo e dar conta ante o tribunal de contas.

Segundo os galeguistas, é sorprendente que partidos de ámbito local, tales como ACIP, conten con tantos cartos para facer semellante campaña, polo que lles piden que publiquen as contas antes das eleccións.

Compromiso gasta pouco máis de 22.000 repartidos por todos os concellos de Galicia, tal e como poden cotexar os cidadáns na súa web, e que se se financia coas cotas e doazóns dos afiliados e afiliadas do partido por toda Galicia. E en Ponteareas a campaña que deseñaron os galeguistas está chea de imaxinación e reciclaxe, facendo moito do material a man grazas o capital humano có que conta a formación.

Compromiso reta o Alcalde en funcións a dar explicacións de por que non se tramitaron expedientes informativos a todos aqueles partidos que contan cunha sede sen licenza municipal, a non ser que o PP tamén sexa outro dos que estean ilegais..