A candidatura de Compromiso será unha candidatura plural , na que moitas
sensibilidades e sectores sociais se verán representados
Compromiso
por Galicia, mantén conversas con un grupo de persoas que no ano 2011
participaron na candidatura de Esquerda Unida, entre os que se atopa Xosé
Henrique González Lago, excandidato á alcaldía de Ponteareas.
Os
galeguistas están a configurar unha lista plural na que moitos sectores sociais
estean representados, ao igual que persoas de diversas sensibilidades da
esquerda. "Estamos a conformar
unha candidatura de unidade, claramente de esquerdas, na que primen os
intereses dos veciños e veciñas sobre os do partido", afirma Sandra
Araúxo, candidata á alcaldía por Compromiso por Ponteareas (CxG).
Os
galeguistas defenden as listas abertas, polo que calquera persoa que comparta
os principios de Compromiso pode participar na súa candidatura. Deste xeito nas últimas datas diferentes
persoas que nunca tiveran ningún tipo de participación na política a ningún
nivel se achegaron a Compromiso por Ponteareas para interesarse e algunhas
delas manifestando a súa intención de apoiarnos e formar parte das listas,
sinala Araúxo.
Ademais
do achegamento dos veciños, Sandra Araúxo, candidata á alcaldía de
Ponteareas, leva días en conversas con Xose Henrique González Lago e un
grupo de persoas que proveñen de EU e que levan un tempo afastados da vida
pública, pero que nunca deixaron de traballar dentro do movemento
asociativo. A candidata de Compromiso por Ponteareas está moi optimista e
esperanzada de que as reunións dean o seu froito, dado que existe un interese
común, sacar do goberno ao Partido Popular e sacar ao concello da parálise na
que se atopa sumido.
Compromiso
aposta por persoas comprometidas coa sociedade, honestas e traballadoras, como
Xosé Henrique González Lago.
Ningún comentario:
Publicar un comentario