O pasado mes de
novembro, Compromiso por Galicia escolleu o novo Consello Político Nacional,
por medio de listas abertas. Composto por 30 membros (15 homes e 15 mulleres) e
a nova Comisión Executiva Nacional, da que forma parte Sandra Araúxo.
Agora toca
renovar cargos locais e comarcais, polo que os galeguistas celebrarán este
sábado 10 de xaneiro asemblea en Ponteareas, no Restaurante Punto&textura,
na Avda. Galicia, 6, para elixir o Secretario ou Secretaria Local.
Compromiso
aposta, nestes intres por “centrarse nas eleccións municipais”, unha eleccións,
“a pé de obra, con contacto directo, onde non pesan tanto o soporte mediático
como as propostas que se fagan en positivo para a mellora da calidade de vida
da nosa veciñanza”.
Neste senso, os
galeguistas abrirán ese mesmo día, o seu proceso de primarias abertas, para
elixir o seu candidato ou candidata ás eleccións municipais do mes de maio.
Os galeguistas animan
aos vecinos e veciñas de Ponteareas preocupados polo futuro do concello, a que acudan a dita xuntanza, que é aberta a
cidadanía .
Ningún comentario:
Publicar un comentario