A candidata Sandra Araúxo
propón a aprobación da R.P.T. de funcionarios, facer un proceso de promoción
interna e incrementar o número de administrativos e auxiliares.
A candidata de Compromiso por Galicia á alcaldía de
Ponteareas sinalou que o número de funcionarios no Concello de Ponteareas
soportou unha merma nos últimos dez anos, sendo o corpo da Policía Local o
único que ofertou algunha praza para adaptarse ao que sinala a lei e que
obrigaba o incremento da poboación. "De non cubrir as prazas e seguir
coa política de amortizar as prazas conforme se xubilan os seus titulares, en
apenas dous anos o Concello so terá un administrativo e catro auxiliares
administrativos para atender as diferentes unidades administrativas municipais”,
sinala Sandra Araúxo.
Todo isto se agrava porque, como sinalou a propia
secretaria Municipal do ano 2010, "este tipo de prazas teñen que ser
cubertas obrigatoriamente por funcionarios de carreira, e non por traballadores
laborais”. Ademais cando o proceso de consolidación destas prazas como
laborais non ofrece garantía xurídica e nestes intres está paralizado e sendo
investigada pola Fiscalía", sinala a candidata dos galeguistas.
Por este motivo, Compromiso por Galicia entende que
Ponteareas precisa incrementar o número de funcionarios. Polo que manterá o
número da prazas de administrativos actuais e as incrementará en cinco novos
efectivos para cubrir as áreas de obrigado cumprimento pola LBRL. Para cubrilas
promoverá en primeiro lugar un “proceso de promoción interna” co fin de que os
actuais auxiliares administrativos teñen a oportunidade de promocionar
profesionalmente .O resto das prazas de administrativo se cubrirían por medio
dunha oferta de emprego libre e pública. Do mesmo xeito se procedería a un
incremento das prazas de auxiliares administrativos dentro dun proceso de
Oferta de Emprego Público e ao incremento nun 10% da plantilla da Policía Local.
Nos primeiros cen días de goberno, Compromiso por
Galicia aposta pola aprobación inicial da Relación de Postos de Traballo para
persoal funcionario e Laboral Fixo do Concello de Ponteareas, e para asumir o
incremento da masa salarial abordará con carácter inmediato a cesión dos
servizos da Residencia Santa Ana e Escola Infantil Municipal á Xunta de
Galicia, tal e como obriga a lei de Bases de Réxime Local, modificada polo
goberno do Estado do PP a finais de 2013, e que sinalaba claramente que
ditos servizos terían que ser xestionados polas administracións autonómicas. A
Xunta tería que facerse cargo, tamén dos gastos dos centros escolares de
Ponteareas, especialmente no tema do persoal con categoría de conserxe, que o
Concello non ten que asumir en base a esa mesma modificación da LBRL.
Compromiso por Galicia recuperará a tramitación,
xestión e cobro de tributos que o Concello de Ponteareas deixou en mans do
ORAL, xerando un aforro importante, dado que hai que lembrar que este organismo
da Deputación cobra un 10% do total dos tributos municipais que xestiona. Con
eses cartos ben se poden actualizar os salarios dos empregados municipais,
conxelados desde tempos dos Castros, agás no caso dalgúns beneficiados, e ao
mesmo tempo aforrar cartos á administración, rematou Araúxo.
Ningún comentario:
Publicar un comentario