Un dos interventores imputados en Vigo cobra preto
de 2000 euros ao mes por vir un día a Ponteareas
Sandra Araúxo destapaba en novembro de 2013 a chapuza
do goberno do PP, que por decreto de alcaldía o 21 do outubro mesmo ano
acordaba pagar a un interventor por achegarse ata o Concello dous
días á semana, un soldo equivalente ao 30% do que cobra no seu destino de Vigo,
1.757,40 euros, o que supón que se lle está a pagar por un importe total
equivalente a 5800 euros ao mes, cifra que non percibe ninguén no Concello. Nin
a tesoureira con praza en propiedade nin a Secretaria Xeral chegan a esa cifra.
Este interventor é un dos imputados por nepotismo nas contratacións no
caso Silva en Vigo, e leva máis de ano en medio traballando para o concello de
Ponteareas, informa Compromiso.
Segundo a galeguista, Solla
e Villar, en ningún momento xustificaron os motivos desta contratación, nen o seu sobresoldo, có
agravio comparativo que ten cós funcionarios municipais, aos que lle negan unha
RPT, e uns salarios dignos, escusándose na situación económica do concello.
Compromiso espera que o
interventor imputado de Vigo, actúase con total transparencia na súa xestión en
Ponteareas, polo ben do concello e das arcas municipais.
Compromiso por Galicia
solicita que por parte do goberno municipal se dean as explicacións oportunas e
se xustifique de maneira clara cómo este interventor do Concello de Vigo foi
contratado por acumulación de funcións en Ponteareas e a qué obedecen as súas elevadas remuneracións, cando non
foron quén nin de aprobas as contas do pasado ano.
Ningún comentario:
Publicar un comentario