“UNHA NOVA POLÍTICA MUNICIPAL PARA CONSTRUIR UN NOVO
PAÍS DESDE OS CONCELLOS”
Preámbulo
No I Congreso de
Compromiso por Galicia celebrado o pasado mes de Novembro de 2014 aprobouse o
documento político “Unha nova política
municipal para construír un novo país desde os concellos” que sirve como
base para o presente programa marco para as vindeiras eleccións municipais do
24 de Maio.
Este documento
constitúe como o seu propio nome indica un “programa marco” cunha serie de
medidas e recomendacións cun carácter xenérico, que deberán ser en calquera
caso desenvolvidas, adaptadas e complementadas polas medidas que se elaboren en
cada unha das localidades nas que Compromiso se presente a estas eleccións.
Debe prevalecer, en todo momento, o enfoque “de abaixo a arriba” de tal maneira
que sexan os liñas e propostas nacidas no eido local as que configuren o eixe
central de cada programa municipal .
As medidas incluídas
neste Programa Marco aparecerán agrupadas en catro grandes grupos: transparencia e rexeneración democrática,
xestión eficiente dos recursos públicos
nos concellos, mellora do benestar e
da igualdade e desenvolvemento
económico local e sustentabilidade.
I.
REXENERACIÓN DEMOCRÁTICA
Co fin de converter
os concellos en institucións profundamente democráticas, participativas e
transparentes, Compromiso fomentará a participación cidadá na vida municipal,
pondo nas súas mans instrumentos que lle permitan expresar con axilidade a súa
opinión e que esta sexa tida en conta.
Así mesmo implementaremos mecanismos que reduzan ao mínimo as posibilidades de
que responsables políticas/os e funcionariado público poidan cometer prácticas
corruptas, ou aproveitarse da súa situación de poder para actuar en beneficio
propio ou partidista. Aínda así, seremos implacables contra aquelas persoas que
a pesar de tódalas barreiras de contención que se poidan levantar para evitar
estes comportamentos, acaben sendo suxeitos a acusación penal.
Todos estes serán
obxectivos a conseguir mediante a adopción de, entre outras, as seguintes medidas:
-
Dotar aos concellos dun
regulamento de participación cidadá
que, que no marco da Lei 11/2007, de 22 de xuño, de acceso electrónico dos
cidadáns aos servizos públicos e aproveitando as oportunidades que nos brindan
as novas tecnoloxías, facilite ao máximo
participación directa da cidadanía na vida municipal.
-
Dinamizar o tecido asociativo
local, sendo totalmente respectuosos coa súa autonomía e distribuíndo as axudas
en base a baremos obxectivos.
-
Regular a forma na que un
determinado número de veciñas e veciños dun concello pode presentar e defender
unha iniciativa popular que obrigatoriamente teña que ser tratada no pleno.
-
Darlle cobertura económica ás
demandas da cidadanía mediante a posta en marcha de orzamentos participativos, que reserven unha porcentaxe do capítulo
dedicado a inversións para realizar aqueles investimentos en infraestruturas ou
servizos que, de xeito regulado, a cidadanía consideren prioritarios.
-
Utilizar a páxina web oficial do concello para
facilitarlle a cidadanía de xeito claro toda a información relacionada coa
institución municipal e cos seus cargos electos, co obxectivo de que as/os
veciños/as saiban en todo momento cómo e en qué se invisten os recursos
públicos, e quén son as persoas responsables de executar ese gasto.
-
Facer públicas as declaracións de actividades,
ingresos e patrimonio de todo/as os/as concelleiros/as electos na corporación
municipal.
-
O horario de celebración dos
plenos e das comisións de goberno de cada concello escollerase co obxectivo de facilitar a asistencia da cidadanía aos
mesmos. A maiores e co fin de que estes poidan ter o maior coñecemento dos
acordos que se toman no máximo órgano de decisión, as sesións plenarias serán
gravadas e difundidas a través da páxina web do concello como mínimo en tódolos
municipios.
-
Exposición pública de actas
(plenos e xuntas de goberno local), orzamentos, liquidacións e todo aquel
documento con tal consideración.
-
Establecer a poxa pública, a ser posible en formato electrónico, como método preferente
de adxudicación de obras e servizos, fronte a outros procedementos que
facilitan prácticas corruptas, como é o caso da adxudicación directa, ou os
concursos negociados. Establecendo en todo caso sistemas de valoración
matemáticos ou obxectivos nos procesos de adxudicación de obras e servizos.
Limitando dentro das posibilidades da lei os supostos de xustificación de
baixas desproporcionadas.
-
Incluír nos pregos de adxudicación
que as novas contratacións de persoal que realicen as empresas privadas, en calidade
de adxudicatarias dun servizo público, terán que facelas baixo os criterios de
publicidade igualdade e mérito.
-
Tanto nas mesas de contratación de
obras e servizos como nas de persoal, facilitarase a presenza de representantes
veciñais, asociacións empresariais e sindicatos, garantido ao máximo a
publicidade e a limpeza do procedemento.
-
Ao comezo da lexislatura
aprobarase un código ético vinculante para as/os representantes políticas/os de
tódolos grupos municipais, que entre outras obrigas estableza a de dimitir no
caso de resultaren acusadas por un órgano xudicial.
-
Eliminar a contratación de asesores de xeito
permanente durante o mandato, limitándose a aspectos puntuais nos que non
exista un perfil técnico acaído para a súa xestión entre os empregados públicos
da administración local.
-
Tendo en conta que as Deputacións
provinciais son en Galicia as institucións máis antidemocráticas, máis
obscurantistas e máis caciquís, ademais de profundamente ineficaces, Compromiso
defenderá a súa eliminación como unha medida de rexeneración democrática e de
racionalización do gasto público. Pero como somos conscientes de que isto, que
sería o desexable, non se vai producir a curto prazo e que polo tanto na
vindeira lexislatura van seguir existindo, en coherencia coa análise crítica
que facemos destas institucións que
forman parte da administración local, Compromiso por Galicia comprométese a non
participar nas corporacións provinciais, independentemente da representación
que nos puidera corresponder en función dos resultados electorais acadados nas
eleccións municipais.
II.
XESTIÓN EFICIENTE DOS RECURSOS PÚBLICOS NOS CONCELLOS
Sendo conscientes
das dificultades económicas que padecen a práctica totalidade dos concellos de
Galicia, derivada dunha deficiente financiamento e da prestación de múltiples
competencias impropias, é preciso a aprobación dunha nova Lei de Administración
Local que reforce a autonomía local, clarexe o mapa competencial e dote de
maiores recursos as facendas locais.
En Compromiso tamén
temos claro que non sempre por parte das/os responsables municipais se
xestionaron con eficacia os recursos dos que dispuxeron os concellos nos
últimos anos, polo que consideramos necesario pór en marcha unha nova cultura
política tamén á hora de xestionar os recursos públicos, desterrando as
prácticas de clientelismo ou que só buscan o rédito electoral, así como os
investimentos en infraestruturas ou servizos innecesarios ou mal dimensionados,
que non teñen un mínimo retorno social nin melloran en nada a calidade de vida
da cidadanía, pero que teñen consumido infinidade de recursos públicos. Para
acadar estes obxectivos poremos especial empeño na nosa labor institucional nos
concellos, para que:
-
Apostar por uns servizos á
cidadanía áxiles, eficaces e eficientes: axilizar trámites burocráticos
(posibilidade de facer solicitudes a través da web) par unha pronta resposta á
cidadanía (certificados, licencias, .....)
-
Tanto o proxecto de orzamentos
como as contas municipais deberán ser aprobados en tempo e forma.
-
Sexa obrigatorio realizar un
estudo de rendibilidade social e sostibilidade económica e medioambiental para
tódolos investimentos que superen os 200.000 €.
-
Como norma xeral a totalidade dos
servizos municipais sexan xestionados de xeito directo polos concellos ou a través
de sociedades de economía mixta. En especial os que teñen que ver co tratamento
do lixo, a xestión integral da auga e os servizos sociais. Polo tanto aqueles
que na actualidade estean externalizados no momento de acabar a súa concesión
administrativa, recuperaranse para a xestión pública si unha adecuada
avaliación técnica acredita o mantemento ou mellora da calidade na prestación
do servizo a un custe asumible para o concello.
-
As facturas a entidades provedoras
e prestadoras de servizos aos concellos se paguen dentro dos límites
establecidos pola lei.
III.
MELLORA DO BENESTAR E DA IGUALDADE
A prestación de
servizos públicos que cubran as necesidades básicas da cidadanía, atendendo ás
necesidades de colectivos concretos e que aposten ademais pola igualdade de
xénero, contribúen no seu conxunto a
mellorar a calidade de vida e o benestar das persoas. Para acadar este
obxectivo, Compromiso impulsará desde os concellos a posta en marcha, como
mínimo, das seguintes iniciativas:
-
Establecer como principio que o
primeiro son as persoas e, polo tanto, a cobertura das súas necesidades é
prioritaria fronte á construción de novos equipamentos e servizos, sobre todo
daqueles que non estean destinados a cubrir as necesidades básicas da
poboación, ou a favorecer a conciliación da vida familiar e laboral.
-
Priorizar a atención a persoas e
familias sen recursos (reforzo escolar, orientación laboral,....), coordinación
e colaboración con entidades de carácter “social”, bancos de tempo, intercambio
de servizos, etc
-
Atención á discapacidade :
accesibilidade (construcións, rúas), colaboración e coordinación con entidades
de atención á persoas con discapacidades, emprego (garantirase o cumprimento da
taxa de persoas con discapacidade empregadas no concello).
-
Aprobación do Plan municipal de
vivenda; establecemento de IBI reducido ou exento para vivendas sociais e
ampliado para vivendas baleiras en propiedade de entidades bancarias. Axudas
para que os mozos e moza poidamos independizarnos. Nas cidades universitarias,
a creación de vivendas para estudantes con alugueiros baixos.
-
Fomentar e garantir o uso da
linguaxe e imaxes inclusivas en calquera actividade realizada dende o concello
de xeito que mulleres e homes sempre teñan a mesma presenza.
-
Promover a participación activa
das mulleres na vida do concello, mantendo o equilibrio entre sexos en todos os
niveis dos procesos de toma de decisións.
-
Favorecer o espírito emprendedor e
a actividade empresarial das mulleres; e consolidar a igualdade de trato e de
oportunidades no ámbito laboral, apoiando medidas privadas e públicas que
faciliten o acceso das mulleres a empregos de calidade e a súa estabilidade e
desenvolvemento profesional. Crear un plan de acción ao desenvolvemento
profesional e económico das mulleres rurais, en colaboración co resto de
administracións públicas.
-
Desenvolver un programa de
prevención e tratamento da violencia de xénero destinado á conciencia social e
á formación de profesionais da educación, servizos sociais, sanitarios, e
corpos e forzas de seguranza do concello. O programa será elaborado a partir
das demandas e necesidades detectadas por parte das usuarias dos dispositivos
de igualdade así como da experiencia acumulada dos mesmos; e sempre tendo en
conta os recursos e medidas dispoñibles dende o resto de administracións
públicas.
-
Fomento do uso do galego en
tódolos ámbitos do concello, tanto a nivel da administración local como noutros
eidos (empresarial, social e cultural, etc...).
IV.
DESENVOLVEMENTO ECONÓMICO LOCAL E SUSTENTABILIDADE
A aposta para o
desenvolvemento económico debe partir sempre das características e
potencialidades de cada concello. O coñecemento das mesmas e a súa valoración
posterior son por tanto elementos fundamentais en calquera estratexia de
desenvolvemento económico que, ademais, debe ser sustentable dende o punto de
vista medioambiental. Evidentemente non é o mesmo á realidade económica, nin as
políticas que se poden desenvolver dende o concello, no caso dos concellos
rurais en comparación coas zonas urbanas. A continuación incluímos unicamente
algunhas medidas marco que logo deberán ser matizadas e adaptadas a cada unha
das realidades concretas:
-
Creación, se non existe, dunha
Axencia de Desenvolvemento Local, dotada de recursos humanos e técnicos para
apoiar a actividade empresarial e produtiva no concello. Esta axencia prestará
servizos de asesoramento empresarial, apoio económico a novas actividades, etc.
-
Apoio decidido ao tecido comercial
e empresarial do ámbito local, co obxectivo de fomentar o dinamismo económico e
a creación de emprego no entorno máis próximo á cidadanía. Exercendo a defensa
activa da pequena e mediana empresa galega, así como dos traballadores
autónomos, promovendo os cambios normativos dirixidos a garantir o cobro de
obras e servizos de competencia municipal, executados mediante réxime de
subcontratación.
-
Completar a rede de saneamento alí
onde non existe e procurar un correcto funcionamento da mesma.
-
Colaboración coas comunidades de
montes e con propietarios particulares do monte para a súa xestión eficiente e
sostible; mantemento de accesos, creación de roteiros, e loitas contra os
incendios.
-
Xestión dos residuos alternativa á
incineración (puntos limpos, promoción reciclaxe e compostaxe, actividades
concienciación,...),
-
Promoción e potenciación do
transporte público. Nos concellos rurais procura de acordos para compatibilizar
o uso para transporte escolar con outros usos.
-
Aposta por unha rede de
“carriles-bici” en cada concello.
-
Aprobación de forma participativa,
se non existe, dun PXOUM racional e acaído ás necesidades do concello.
Ningún comentario:
Publicar un comentario